കല്ല്യോട്ട്
സ്ക്കൂള്.....ഒരല്പ്പം
ചരിത്രം
കാസര്ഗോഡ്
ജില്ലയിലെ പുല്ലൂര് പെരിയ
ഗ്രാമത്തില് സ്ഥിതിചെയ്യുന്ന
കൊച്ചുപ്രദേശമായ കല്ല്യോട്ട്നന്മയുടെ
വിളനിലമായി അന്നും ഇന്നും
തല ഉയര്ത്തിനില്ക്കുന്നു.കാര്ഷികസംസ്കാരത്തിന്റെയും
നാട്ടുപാരമ്പര്യത്തിന്റെയും
കേളീസങ്കേതതമാണ് ഈ
പ്രദേശം,നാടന്കലകളും
സാഹിത്യസദസ്സുകളും ഈ
പ്രദേശത്തിന്റെ കൂട്ടായ്മയ്യ്ക്
മറ്റൊരു കാരണമാണ്.ഹിന്ദു
മുസ്ലിം ക്രിസ്ത്യന്
കുടുംമ്പങ്ങള് ഇടപഴകിക്കഴിയുന്ന
ഈ പ്രദേശം വിവിധ സംസ്കാരങ്ങളുടെ
സമന്വയത്താല് അലംകൃതമാണ്.
ഒരുനാടിന്റെ
സംസ്കാരത്തിന് ചുക്കാന്
പിടിക്കുന്നപ്രഥമഗണീയമായ
വസ്തുത ആ പ്രദേശത്തെ
വിദ്യാലയങ്ങളാണ്.അവിടെയാണ്
അക്ഷരങ്ങള് നുണയാനും അറിവിന്റെ
തേന് നുകരാനും നിഷ്കളങ്കരായ
കുരുന്നുകള് ഒത്തൊരുമിക്കുന്നത്.അവിടെനിന്നാണ്
ഭാവിപൗരന്മാര് അറിവിന്റെ
അനന്തവിഹായസ്സിലേക്ക്
ചേക്കേറുന്നത്.ഇതെല്ലാം
കൊണ്ടുതന്നെ വിദ്യാലങ്ങള്ക്ക്
സാംസ്കാരികമായി വളരെയധികം
പ്രാധാന്യം ഉണ്ട്.ഞങ്ങളുടെപ്രദേശത്ത്
സ്ഥിതിചെയ്യുന്ന ഈ
സരസ്വതീക്ഷേത്രത്തിനും ഒരു
പൂര്വ്വകാല ചരിത്രമണ്ട്.1954-ല്
ഏകാധ്യാപക വിദ്യാലയമായാണ്
ആരംഭിച്ചത്.പെരിയയിലെ
മേലത്ത് ചന്തുനായര് എന്ന
വ്യക്തി കല്ല്യോട്ട്
കുഞ്ഞാച്ചംവീട്ടില്
രാമന് മണിയാണിയുമായി
ചര്ച്ചചെയ്ത് സ്കൂളിന്
വേണ്ട സൗകര്യങ്ങള്
ഏര്പ്പെടുത്തുകയാണ് ചെയ്തത്.
നാട്ടുകാരുടെയുംദേശീയവികസനസമിതിയുടെയും
ഒത്തൊരുമിച്ചുള്ള പ്രവര്ത്തനഫലമായി
1956-ല്
സ്വന്തമായി സ്കൂള്കെട്ടിടം
ആരംഭിച്ചു.അന്നത്തെ
സ്ഥലം MLA ശ്രീ.ചന്ദ്രശേഖരന്
ആണ് ഉല്ഘാടനം നിര്വഹിച്ചത്.1961-ല്
യുപി യായും,1980-ല്
ഹൈസ്കൂളായും,2004-ല്
ഹയര്സെക്കന്റിയായും ഈ
വിദ്യാലയം വളര്ന്നു.
തുടര്ന്നിങ്ങോട്ട്
ഉദാരമതികളായ ഒരുസഘം നാട്ടുകാരുടെയും
പിടിഎയുടെയും,വിദ്യാഭ്യാസ
വകുപ്പിന്റെയും സഹായത്തോടുകൂടി
ഇല്ലായ്മയുടെ നടുവില്നുന്നും
ഈ വിദ്യാലയം ആവശ്യമായ സൗകര്യങ്ങള്
ലഭ്യമാക്കികഴിഞ്ഞു.പിന്നോക്ക
സമുദായത്തില്പെട്ട കുട്ടികളാണ്
ഭൂരിഭാഗവും,എങ്കിലും
കഴിഞ്ഞ നാല് വര്ഷങ്ങളായി
SSLC 100 ശതമാനം
സംരക്ഷിച്ചുവരുന്നുണ്ട്.ഹയര്സെക്കന്റിയും
നല്ലവിജയം കൈവരിക്കുന്നുണ്ട്.അധ്യാപകരുടെയും
രക്ഷിതാക്കളുടെയും കൂട്ടായ്മയാണ്
ഈ വിജയത്തിന്പിന്നിലെന്ന്
ഞങ്ങള് വിശ്വസിക്കുന്നു.
No comments:
Post a Comment